Novas
 
O POLIDEPORTIVO MUNICIPAL DA GÁNDARA ACOLLERÁ O VINDEIRO SÁBADO O "XXIV TORNEO DE BALONMÁN CIDADE DE NARÓN"
Un total de catro equipos disputarán os partidos nas diferentes categorías, en horario de mañá e tarde
Narón, 23 de maio de 2017. Catro equipos participarán o vindeiro sábado, día 27, no “XXIV Torneo de Balonmán Cidade de Narón” que se disputará no complexo polideportivo municipal da Gándara. Así o anunciaron esta mañá o edil de Deportes, Román Romero; o presidente do Club Balonmán Narón, José Oreona, e Beatriz Lourido, xerente da empresa Casa y Baño Star. O evento está organizado polo Club Balonmán Narón e conta coa colaboración de varias administracións, entre elas o Concello de Narón e da empresa Casa y Baño Star. A entrada a este torneo, é de balde, tal e como recordaron desde a organización.
Os equipos participantes son os clubes de balonmán: Narón, Xallas, Camariñas e Ártabro. Os partidos comezarán a disputarse ás 11.00 horas, nas categorías de infantil masculino, cadete masculino e alevín mixto, ata as 14.00. Xa pola tarde, entre as 16.00 e as 21.00 será o turno das categorías xuvenil e senior masculino. Haberá entrega de medallas e trofeos para os mellor clasificados.
Oreona agradeceu a colaboración do Concello de Narón, un ano máis, neste evento deportivo e tamén da empresa patrocinadora. Pola súa parte, a representante da citada firma, Beatriz Lourido, destacou a importancia de “apostar por este deporte” e manifestou o compromiso da empresa a respaldar este tipo de eventos.
Finalmente, o concelleiro de Deportes, Román Romero, destacou o labor do Club Balonmán Narón, que conta cun equipo en Primeira Autonómica que este ano quedou quinto na clasificación, e animou á veciñanza a presenciar este partido o vindeiro sábado nas instalacións do polideportivo da Gándara.



Últimas noticias
PRETO DE TRESCENTAS PERSOAS PARTICIPARON NUNHA NOVA ANDAINA DO PROGRAMA MUNICIPAL "PONTE EN RUTA CON NÓS"
O "XXI TROFEO DE BATEIS CIDADE DE NARÓN" DISPUTARASE O 3 DE MARZO NA ENSEADA DA GÁNDARA
UNS TRESCENTOS DEPORTISTAS PARTICIPARÁN NOS CAMPIONATOS GALEGOS DE DUATLÓN E PARADUATLÓN QUE SE CELEBRARÁN EN RÍO DO POZO
A ALCALDESA REICIBIU NO SEU DESPACHO A SOFÍA COUCE E ANA OTERO, XOGADORAS DO CLUB TENIS DE MESA NARÓN
PRETO DE 450 DEPORTISTAS PARTICIPARÁN NO XVII TROFEO DE BAILE DEPORTIVO E CAMPIONATO GALEGO DE DANZA COREOGRÁFICA CIDADE DE NARÓN

Destacados

Outras webs municipais

   
 
Concello de Narón - Aviso legal