Novas
 
O "XII TORNEO DE GOLF CIDADE DE NARÓN" DISPUTARASE NO CLUB DE GOLF CAMPOMAR
O evento conta coa colaboración do Concello e desenvolverase os días 27 e 28 de outubro
Narón, 25 de outubro de 2017. O concelleiro de Deportes, Román Romero, presentou esta mañá no Consistorio a duodécima edición do “Torneo de golf Cidade de Narón” acompañado polo secretario do Club de Golf Campomar, Francisco Alarcón. O evento desenvolverase esta fin de semana, os días 27 e 28, nas instalacións do Club de Golf Campomar, no lugar de Vilacornelle, na parroquia do Val. O Concello de Narón colabora un ano máis neste evento, a través do Servizo Municipal de Deportes. O concelleiro responsable da área animou aos afeccionados a este deporte a competir neste torneo, que se disputará en varias categorías e no que se repartirán un total de nove premios. As persoas interesadas en inscribirse poden facelo ata o propio venres día 27 antes das 12.00 horas na páxina: http://clubcampomar.com, nas instalacións do clube, ou chamando ao número de teléfono 981 453 910.
Alarcón explicou que o torneo, no que se espera a participación dun centenar de xogadores, comezará o venres ás 14.30 horas e o sábado disputarase en horario de mañá e tarde, desde as 9.00 e a partir das 14.30. Haberá trofeos para as modalidades de Scratch e para os primeiro, segundo e terceiro clasificados de primeira e segunda categoría, ademais de para o Mellor Aproach dos foxos 1 e 10 e para o Mellor Xogador Infantil. A entrega de premios, así como o sorteo de varios artículos de material deportivo, terá lugar o sábado, día 28, a partir das 20.00 horas.
“Trátase do torneo máis emblemático do Club de Golf Campomar e ao, tempo, sitúa a Narón no mapa autonómico do golf, ao ter xa unha gran tradición”, subliñou Alarcón.
Román Romero agradeceu o traballo realizado desde o clube para convocar ano tras ano este evento deportivo na cidade e animou á veciñanza a participar no torneo ou achegarse ás instalacións do clube no Val para gozar deste evento deportivo.



Últimas noticias
PRETO DE TRESCENTAS PERSOAS PARTICIPARON NUNHA NOVA ANDAINA DO PROGRAMA MUNICIPAL "PONTE EN RUTA CON NÓS"
O "XXI TROFEO DE BATEIS CIDADE DE NARÓN" DISPUTARASE O 3 DE MARZO NA ENSEADA DA GÁNDARA
UNS TRESCENTOS DEPORTISTAS PARTICIPARÁN NOS CAMPIONATOS GALEGOS DE DUATLÓN E PARADUATLÓN QUE SE CELEBRARÁN EN RÍO DO POZO
A ALCALDESA REICIBIU NO SEU DESPACHO A SOFÍA COUCE E ANA OTERO, XOGADORAS DO CLUB TENIS DE MESA NARÓN
PRETO DE 450 DEPORTISTAS PARTICIPARÁN NO XVII TROFEO DE BAILE DEPORTIVO E CAMPIONATO GALEGO DE DANZA COREOGRÁFICA CIDADE DE NARÓN

Destacados

Outras webs municipais

   
 
Concello de Narón - Aviso legal