Novas
 
O ESTADIO MUNICIPAL DE RÍO SECO ACOLLERÁ O VINDEIRO DOMINGO O "XVI TROFEO DE ATLETISMO CIDADE DE NARÓN"
As probas das diferentes categorías comezarán a disputarse ás 10.00 horas e estímase a participación dunhas catrocentas persoas, según apuntou a organización
Narón, 22 de novembro de 2017. O “XVI Trofeo de Atletismo Cidade de Narón” terá lugar o vindeiro domingo, 26 de novembro, no Estadio Municipal de Río Seco. O edil de Deportes, Román Romero; o presidente do Club de Atletismo Narón, Álvaro Valle; a secretaria da delegación ferrolá, Eva Martínez e Yolanda Fonticoba, directiva do clube naronés, presentaron esta mañá o evento no Concello. A convocatoria, na que se estima que participarán unhas 400 persoas de clubes galegos, superando a cifra do ano anterior, terá lugar entre as 10.00 e as 15.00 horas, tal e como indicaron desde o Club de Atletismo Narón. O concelleiro de Deportes subliñou o elevado número de participantes que ano tras ano rexistra este evento, ao que convidou a asistir á veciñanza de Narón e doutras localidades.
O presidente do Club de Atletismo Narón explicou que a competición será desde a categoría Sub 10 ata a Máster e indicou tamén que haberá premios para os tres primeiros clasificados en cada categoría. Do clube naronés participarán neste evento oitenta atletas, dos 140 que o integran na actualidade. Ao longo da xornada haberá probas de velocidade, de salto de lonxitude e de lanzamento de peso. Os representantes do Club de Atletismo Narón agradeceron a colaboración do Concello na organización desta nova edición do Trofeo de Atletismo Cidade de Narón.
“Esta é a primeira competición de pista de categorías superiores que se celebra esta tempada, polo que moitos atletas participantes virán a Narón para facer marca”, destacou Eva Martínez.



Últimas noticias
AS INMEDIACIÓNS DO PASEO MARÍTIMO DE XUVIA ACOLLERÁN ESTA FIN DE SEMANA O TRISHARK 2018
O CONCELLO ABRIRÁ EN SETEMBRO O PRAZO DE INSCRICIÓN NAS ESCOLAS CULTURAIS E DEPORTIVAS MUNICIPAIS
MÁIS DE 230 CICLISTAS PARTICIPARÁN ESTE DOMINGO NA IV BTT CIDADE DE NARÓN ORGANIZADA POLO CLUBE MTB ESKORNABOIS E O CONCELLO
UN TOTAL DE TRINTA E SEIS EQUIPOS PARTICIPARÁN NO V TORNEO INTERNACIONAL DE FÚTBOL 8 NARÓN O FREIXO
O CONCELLO E ASOTRAME CONVOCAN A "IV CARREIRA SOLIDARIA" QUE SE CELEBRARÁ ESTE DOMINGO NA CIDADE

Destacados

Outras webs municipais

   
 
Concello de Narón - Aviso legal