Novas
 
O CONCELLO ACOLLERÁ O VINDEIRO 13 DE AGOSTO O `I TORNEO CIDADE DE NARÓN DE MUS´
O torneo é clasificatorio para o XI Máster internacional Pamplona 2023 e para o V Campeonato Galego de Mus
Narón, 05 de agosto de 2022. A primeira edición do Torneo Cidade de Narón de Mus celebrarase o vindeiro 13 de agosto na cidade. O concelleiro de Deportes, José Oreona, presentou esta mañá o evento xunto cos representantes da Asociación MUSNAR, José Martínez, David Díaz e Manuel Lorenzo; presidente, vicepresidente e vocal, respectivamente.
Oreona recordou que o periodo de inscrición, para as persoas interesadas en participar neste torneo, permanecerá aberto ata o venres día 12 cun límite de 50 parellas participantes. Os representantes da entidade incidiron en que as inscricións deberán formalizarse por vía telefónica no número 649 32 53 59 (David). Este torneo é clasificatorio para a participación no XI Máster internacional Pamplona 2023, prazas pre-master, e para o V Campeonato Galego.
Os representantes da asociación local MUSNAR valoraron a colaboración do Concello a través do Padroado de Deportes, que permite levar a cabo a primeira edición deste Torneo Cidade de Narón de Mus, que responde á demanda achegada á entidade pola tradicional actividade que practican moitas persoas ao longo do tempo. José Martínez informou que se prevé a participación de parellas a nivel local e comarcal; a nivel provincial, de Lugo, Ourense e Pontevedra; e outras Comunidades autónomas como Asturias e Madrid.
O edil de deportes agradeceu o traballo que realizan desde a entidade para impulsar unha actividade que ten unha tradicional acollida por moitas persoas e manifestou o respaldo do Concello nesta liña.



Últimas noticias
O CONCELLO ACOLLERÁ O VINDEIRO 27 DE AGOSTO A "III CARREIRA NOCTURA CIDADE DE NARÓN"
ÚLTIMOS DÍAS PARA INSCRIBIRSE NO EVENTO "21 LEGUAS, OS 101 QUILÓMETROS DE NARÓN"
O CONCELLO ACOLLERÁ O VINDEIRO 13 DE AGOSTO O `I TORNEO CIDADE DE NARÓN DE MUS´
PRESENTADA A VI EDICIÓN DA BTT CIDADE DE NARÓN, QUE TERÁ LUGAR O DOMINGO 4 DE SETEMBRO CON DÚAS RUTAS ALTERNATIVAS E PASO POR LUGARES EMBLEMÁTICOS DO CONCELLO
PRESENTADA NO CONCELLO A IV BANDEIRA DE TRAIÑEIRAS ´CIDADE DE NARÓN´, EVENTO DEPORTIVO ENMARCADO NA LIGA GALEGA DE TRAIÑEIRAS

Destacados

Outras webs municipais

   
 
Concello de Narón - Aviso legal