DOS RECURSOS

ARTIGO 17 .- O financiamento para o cumprimento dos fins do Padroado efectuarase a través dos seus medios económicos, que estarán formados por:

1. A achega que aprobe o Concello Pleno.
2. Toda clase de subvencións, achegas e doazóns económicas concedidas por organismos públicos ou entidades privadas.
3. Ingresos que poidan reportar as actividades organizadas polo Padroado.
4. Doazóns ou legados que se outorguen a favor do Padroado.

ARTIGO 18 .- Os ingresos e gastos do Padroado serán contabilizados polos servizos económicos do Concello, rendendo contas anualmente ao Concello Pleno o presidente. En caso de haber superávit contable esta cantidade pasará ao presuposto do ano seguinte posterior. Non obstante a Intervención de Fondos Municipal levará a cabo a fiscalización que establece a normativa legal vixente.