Novas
 
ABERTO O PRAZO DE INSCRICIÓN NUNHA NOVA ANDAINA DO PROGRAMA MUNICIPAL "PONTE EN RUTA CON NÓS"
O concelleiro de Deportes, Román Romero, recordou que a ruta será o día 28 de xaneiro e discorrerá entre o Castelo da Palma e Punta Coitelada
Narón, 2 de xaneiro de 2018. A Concellería de Deportes abriu hoxe o prazo de inscrición na primeira andaina deste ano do programa municipal “Ponte en ruta con nós”. A cita, tal e como recordou o edil responsable da área, Román Romero, será o domingo día 28 de xaneiro e os participantes percorrerán un tramo duns trece quilómetros entre o Castelo da Palma (Mugardos) e Punta Coitelada (Ares). As persoas interesadas en inscribirse poden facelo desde hoxe nas oficinas do pavillón polideportivo da Gándara, de luns a xoves en horario de 10.00 a 13.00 e de 16.30 a 18.30 e os venres polas mañás, de 09.00 a 13.00. O prezo das inscricións é de tres euros, unha cantidade coa que se fai fronte aos gastos de desprazamento en bus dos caminantes ata o punto de inicio da ruta e de regreso ao punto de partida, nas inmediacións do pavillón polideportivo da Gándara.
A iniciativa aposta por fomentar a práctica do deporte ao aire libre, evitando así o sedentarismo e, ao tempo, dar a coñecer o patrimonio dos concellos da comarca, neste caso os de Mugardos e Ares.
A ficha de inscrición, así como o calendario completo das andainas desta nova edición do programa municipal “Ponte en ruta con nós” poden descargarse a través da web do Servizo Municipal de Deportes de Narón: http://www.padroadodeportesnaron.com/web/cat/gal/noticias/get/304.



Últimas noticias
PRETO DE OITENTA NENAS E NENOS DE NARÓN PARTICIPAN NAS ACTIVIDADES DO PROGRAMA DEPORNADAL
ABERTO O PRAZO DE INSCRICIÓN NUNHA NOVA ANDAINA DO PROGRAMA MUNICIPAL "PONTE EN RUTA CON NÓS"
O COMPLEXO POLIDEPORTIVO DA GÁNDARA ACOLLERÁ AS "IV XORNADAS SOLIDARIAS MARI CARMEN CABALLERO"
O PAVILLÓN CAMPO DA SERRA ACOLLERÁ O "VII TORNEO DE ESGRIMA ANTIGA CIDADE DE NARÓN"
UNS DOUSCENTOS DEPORTISTAS PARTICIPARÁN NO CLASIFICATORIO "NADA E CORRE"

Destacados

Outras webs municipais

   
 
Concello de Narón - Aviso legal