Novas
 
O CONCELLO E O CLUB MONTAÑA FERROL ORGANIZAN UNHA XORNADA SOBRE A MARCHA NÓRDICA
O edil de Deportes, Román Romero, e o presidente do Club Montaña Ferrol, Xan Ramírez, explicaron que a cita, aberta á cidadanía en xeral, será o sábado 16 de xuño no local social do Couto
Narón, 13 de xuño de 2018. O local social do Couto acollerá o vindeiro sábado, día 16, unha xornada informativa sobre a Marcha Nórdica e unha sesión práctica sobre esta modalidade deportiva. O concelleiro de Deportes, Román Romero, e o presidente do Club Montaña Ferrol, Xan Ramírez, presentaron esta mañá a convocatoria, que dará comezo ás 10.00 horas no local social do Couto, e que está aberta á participación da cidadanía. O edil naronés animou ás veciñas e veciños a acudir a esta cita, “na que poderán coñecer da man de profesionais na materia esta modalidade deportiva e todas as vantaxes que ofrece á hora de practicala”.
Cecilia García, vogal da Federación Galega de Montañismo e a fisioterapeuta Alba Graña, serán as encargadas de ofrecer aos asistentes as explicacións oportunas sobre esta técnica deportiva. Comezarán abordando esta especialidade, cunha intervención de aproximadamente media hora, para a continuación realizar unha práctica por un tramo do Camiño Inglés (os bastóns aportaráos a organización), polas inmediacións do local social do Couto, tal e como apuntou Ramírez. O presidente do Club Montaña Ferrol recalcou que na Marcha nórdica se empregan uns bastóns específicos que permiten contar cunha inclinación de 45 graos e que impulsan á hora de avanzar. “Practicamente permiten aumentar en máis do 50% a velocidade da marcha”, apuntou, ao tempo que explicou que “con esta técnica búscase a maior comodidade á hora de camiñar, porque esixe un movemento coordinado entre as pernas e os brazos”.
Entre os obxectivos deste evento, a maiores de dar a coñecer a Marcha Nórdica, está tamén o de intentar promover un programa quincenal de pequenas saídas desta modalidade deportiva pola comarca, tal e como avanzou Ramírez.
O Concello de Narón e o Club Montaña Ferrol organizan este evento, no que tamén están colaboran a Federación Galega de Montañismo e a Asociación de Veciños do Couto.



Últimas noticias
MÁIS DE 250 DEPORTISTAS PARTICIPARÁN O VINDEIRO SÁBADO NO XXVI TROFEO DE NATACIÓN CIDADE DE NARÓN
ALCIA FERNÁNDEZ FRAGA, PREMIADA COMO MELLOR DEPORTISTA DE NARÓN DO ANO 2018
MÁIS DE 250 PERSOAS PARTICIPARON NUNHA NOVA ANDAINA DO PROGRAMA MUNICIPAL PONTE EN RUTA CON NÓS
O CONCELLO COLABORA NO "I OPEN DE PADEL EN CADEIRA-CIDADE DE NARÓN
ABERTO O PRAZO DE INSCRICIÓN NO PROGRAMA MUNICIPAL DEPORNADAL 2018

Destacados

Outras webs municipais

   
 
Concello de Narón - Aviso legal