Novas
 
O PROGRAMA MUNICIPAL PONTE EN RUTA CON NÓS ORGANIZA UNHA ANDAINA ENTRE O CASTELO DA PALMA E O MOSTEIRO DE SANTA CATALINA
As persoas interesadas en participar nesta ruta, que terá lugar o día 27 de xaneiro, poden anotarse no pavillón polideportivo da Gándara
Narón, 8 de xaneiro de 2019. O programa municipal Ponte en ruta con nós acollerá a finais deste mes, o día 27, a terceira das andainas da súa cuarta edición. A ruta discorrerá entre o Castelo da Palma, en Mugardos, ata o Mosteiro de Santa Catalina, en Ares, cun percorrido duns 14 quilómetros e dunha dificultade media. As persoas interesadas en asistir poden anotarse no pavillón polideportivo da Gándara, en horario de 9.30 a 13.30 e de 16.30 a 18.30 de luns a xoves ou os venres de 9.00 a 13.00, abonando tres euros no momento da inscrición para os gastos do desprazamento en autobús ata o punto de inicio da andaina e o regreso á Gándara.
Os camiñantes sairán ás 9.00 horas das inmediacións do pavillón polideportivo da Gándara, desde donde irán en autobús ata o termo municipal de Mugardos, concretamente ás inmediacións do castelo da Palma, de donde partirán camiñando cara ao mosteiro de Santa Catalina, en Ares. Nesta ruta poderanse coñecer estas dúas construcións e tamén desfrutar das vistas da ría e doutros elementos patrimoniais e naturais localizados no tramo que percorrerán a pé os participantes.
Esta cuarta edición do programa iniciouse o pasado 28 de outubro, cun percorrido de volta á ría e continuou o 25 de novembro cunha ruta polo río Castro e o castelo de Narahío, no concello de San Sadurniño. A actual tempada rematará o 30 de xuño cunha camiñata e un xantar de confraternidade na área recreativa de Pedroso.



Últimas noticias
A ALCALDESA ASINOU UN CONVENIO CO CLUBE NHD ADVENTURE PARA A PROTECCIÓN MEDIOAMBIENTAL DA CIDADE
UNS DOUSCENTOS DEPORTISTAS PARTICIPARÁN O VINDEIRO DOMINGO NO DUATLÓN CIDADE DE NARÓN
O CONCELLO COLABORA COA REAL FEDERACIÓN GALEGA DE FÚTBOL E A SDCR NARÓN-O FREIXO NA ORGANIZACIÓN DUN CURSO DE MONITOR DE FÚTBOL SALA
O CAMPIONATO GALEGO DE TENIS DE MESA CELEBRARASE ESTA FIN DE SEMANA NO PAVILLÓN CAMPO DA SERRA
DEPORTISTAS DE QUINCE EQUIPOS GALEGOS PARTICIPÁRÁN NO XXII TROFEO DE BATEIS CIDADE DE NARÓN

Destacados

Outras webs municipais

   
 
Concello de Narón - Aviso legal