Novas
 
ABERTO O PERIODO DE INSCRICIÓN NA 5ª BTT "CIDADE DE NARÓN". RUTA DOS MUÍÑOS
O evento deportivo terá lugar o domingo 8 de Setembro e contará con dúas rutas alternativas por lugares emblemáticos do concello.
Narón, 7 de Agosto de 2019.- Esta mañá no Concello, representantes do Club Ciclista MTB Eskornabois, Begoña Espiña e José Luis Fernández, xunto co concelleiro de Deportes, José Oreona, e a concelleira de Turismo, Natalia Hermida, presentaron a 5ª Ruta BTT ‘Cidade de Narón’. Ruta dos Muíños, que se celebrará o domingo 8 de setembro con saída ás 9.30 horas da zona do Centro Comercial Odeón.
As inscricións poderán realizarse ata o día 4 de setembro en RANCKR www.ranckr.com

A organización espera acadar un número de participantes de ata 300 ciclistas que poderán escoller entre dous tipos de ruta: unha de dificultade baixa cun total de 30 Km. e outra de dificultade media cun total de 49 Km. Ó finalizar o percorrido, os/as ciclistas poderán facer uso das instalacións do Pavillón Polideportivo de A Gándara (aseos, etc.)

Os participantes nesta ruta cicloturista pasarán por lugares tan emblemáticos como o Mosteiro do Couto, o Muiño das Aceñas, o Río Xuvia e a área recreativa do Muiño de Pedroso. A organización quere facer notar que o percorrido desta edición é especialmente bonito e que de seguro será do gusto de todas as persoas participantes polo feito de ter contemplado nos dous tipos de rutas a posibilidade de abrir a participación a persoas máis ou menos experimentadas nesta práctica deportiva

Os representantes do Club Ciclista Eskornabois agradeceron ao Concello e Padroado de Deportes o gran apoio a este evento deportivo desde o seu inicio e que xa se pode considerar consolidado dentro das actividades deportivas anuales do municipio. Tamén agradeceron a colaboración da Federación Galega de Ciclismo, Deporte Galego, Diputación da Coruña, e outros patrocinadores privados para levar a cabo este programa deportivo cun carácter turístico que gaña adeptos/as en cada edición.

O concelleiro de Deportes, José Oreona, felicitou á organización polo traballo desenvolvido ao longo destas cinco edicións nas que sempre vai a máis para satisfacción de todas as persoas participantes, e reiterou o apoio do Concello no futuro. Pola súa banda, a concelleira de Turismo, Natalia Hermida, declarou unha especial satisfacción recordando os inicios deste proxecto co que colaborou desde as súas responsabilidades naqueles intres como delegada de deportes e actualmente desde a concellería de Turismo, vendo cómo ano a ano aumenta a afluencia de ciclistas que amosan a súa satisfacción.



Últimas noticias
ABERTO O PRAZO DE INSCRICIÓN NA "CAMPAÑA DE INVERNO 2020" DA DEPUTACIÓN DA CORUÑA
O CONCELLO ACOLLEU ESTA MAÑÁ A PRESENTACIÓN DO "XXXIV MEMORIAL ADOLFO ROS-VOLTA Á RÍA"
MARIÁN FERREIRO ENTREGOU Á TRIATLETA SARA GUERRERO MANSO O PREMIO Á "MELLOR DEPORTISTA DE NARÓN 2019" NA "XXXI GALA DO DEPORTE"
MÁIS DE 250 PERSOAS PARTICIPARON HOXE NUNHA NOVA ANDAINA DO PROGRAMA MUNICIPAL "PONTE EN RUTA CON NÓS"
O CONCELLO COLABORA NO "I TORNEO SOLIDARIO DE FÚTBOL SALA CIDADE DE NARÓN"

Destacados

Outras webs municipais

   
 
Concello de Narón - Aviso legal