Novas
 
A ALCALDESA FELICITOU Á TRIATLETA PAULA HERRERO, DO CLUB NÁUTICO NARÓN, TRAS PROCLAMARSE CAMPIONA DE ESPAÑA DE ÉLITE DE DISTANCIA OLÍMPICA EN BANYOLES
Marián Ferreiro recibiu unha fotografía da chegada á meta de Paula Herrero de mans do presidente do club naronés, Amando Guerrero, debido a que a triatleta está en Madrid estudando e adestrando e non puido acudir á cita
Narón, 28 de setembro de 2020. A alcaldesa, Marián Ferreiro, recibiu esta mañá ao presidente do club Náutico Narón, Amando Guerrero, que lle entregou unha fotografía da triatleta asturiana Paula Herrero, que se proclamou campiona de España élite en distancia olímpica no campionato celebrado en Banyoles (Girona) o pasado 5 de setembro. Herrero non puido acudir hoxe ao acto debido a que se atopa xa en Madrid, donde estudia e continúa adestrando, tal e como indicou Guerrero.
O pasado venres Paula Herrero recibiu un recibimento sorpresa no paseo matítimo de Xuvia, donde numerosos deportistas do citado club naronés a esperaban para felicitala polo resultado obtido en Banyoles e incluso se fotografiaron con ela e lle pediron autógrafos. A homenaxeada tamén recibiu varios agasallos por parte do club, donde ao día seguinte continuou traballando coas súas compañeiras e compañeiros.
No mesmo campionato de Banyoles Natalia Castro obtivo o 6 de setembro a terceira praza da Copa de Europa Junior e o pasado mes de agosto, os días 22 e 23, a triatleta Sara Guerrero, acadou o segundo posto do campionato de España de distancia Sprint, donde o Náutico de Narón resultou campión de España por clubes nas categorías Junior e Sub23.
A alcaldesa de Narón trasladou a Guerrero a felicitación para Paula Herrero polo resultado obtido en Banyoles e agradeceu o agasallo recibido por parte do club. Así mesmo, Ferreiro felicitou ao resto de deportistas do club naronés que participaron nas últimas competicións celebradas polos resultados obtidos e animounos a continuar traballando como ata agora para continuar sendo todo un referente do deporte na cidade.



Últimas noticias
O PADROADO DE DEPORTES RETOMARÁ ESTE XOVES VARIOS CURSOS E ACTIVIDADES DAS ESCOLAS DEPORTIVAS MUNICIPAIS
A PISCINA MUNICIPAL DA GÁNDARA RETOMA OS CURSOS DAS ESCOLAS DEPORTIVAS DE NATACIÓN PARA NENAS E NENOS E OS CURSOS DE INICIACIÓN E PERFECCIONAMENTO PARA PERSOAS ADULTAS
A ALCALDESA ASINOU UN CONVENIO DE COLABORACIÓN CO PRESIDENTE DA AGRUPACIÓN DEPORTIVA NÁUTICO DE NARÓN
A ALCALDESA ASINOU UN CONVENIO DE COLABORACIÓN CO PRESIDENTE DO CLUB DE PIRAGÜISMO NARÓN
A ALCALDESA ASINOU UN CONVENIO DE COLABORACIÓN CO PRESIDENTE DO CLUB DE VOILEIBOL NARÓN VOLEA

Destacados

Outras webs municipais

   
 
Concello de Narón - Aviso legal