Novas
 
A ALCALDESA ASINOU UN CONVENIO DE COLABORACIÓN CO PRESIDENTE DO CLUB DE VOILEIBOL NARÓN VOLEA
Marián Ferreiro destacou o labor que desenvolve este clube local en canto ao fomento da práctica do voleibol na cidade e tamén a promoción do mesmo
Narón, 26 de novembro de 2020. A rexedora local, Marián Ferreiro, e o presidente do Club Voleibol Narón Volea, Plácido Vicente Armada, asinaron no Consistorio un convenio de colaboración dirixido á promoción e o fomento da actividade de voleibol e á participación do clube en diferentes campionatos desta modalidade deportiva. O acordo asinado entre ambas partes suporá á administración local un desembolso de 10.000 euros, segundo apuntou Ferreiro.
“Este club local fomentará a práctica de voleibol dende as categorías Benxamín ata Xuvenil, achegando este deporte a todas as persoas que queiran practicalo e, a maiores, conxuntamente co Concello continuaranse organizando eventos vencellados a esta actividade”, indicou a alcaldesa.
O presidente do Club Voleibol Narón Volea agradeceu a colaboración do Concello e, pola súa banda, Ferreiro felicitou ao representante da citada entidade deportiva polo traballo que realizan na cidade a prol do fomento do deporte en xeral e do voleibol en particular, e desexoulles moitos éxitos na actual tempada a todas e todos os integrantes do Narón Volea.



Últimas noticias
O POLÍGONO DE RÍO DO POZO ACOLLERÁ O VINDEIRO DOMINGO O CAMPIONATO GALEGO DE DUATLÓN
A ALCALDESA ASINOU TRES CONVENIOS DE COLABORACIÓN CON CLUBS DEPORTIVOS DA CIDADE
O PADROADO DE DEPORTES MODIFICARÁ OS HORARIOS DE NADO LIBRE NO COMPLEXO POLIDEPORTIVO DA GÁNDARA A PARTIR DO 4 DE XANEIRO
O PAVILLÓN POLIDEPORTIVO DA GÁNDARA ACOLLERÁ ESTE SÁBADO A FINAL DA "XXIX COPA GALICIA MASCULINA DE FÚTBOL SALA"
A PISCINA MUNICIPAL DA GÁNDARA SUSPENDE OS CURSOS DE NATACIÓN DE ADULTOS E AS SESIÓNS DE NADO LIBRE PROGRAMADAS A ÚLTIMA HORA

Destacados

Outras webs municipais

   
 
Concello de Narón - Aviso legal