Narón, 18 de Setembro de 2012.- O Padroado de Deportes do Concello de Narón mantén aberto o prazo de inscrición para a Escola Deportiva de Natación. Tanto as persoas empadroadas en Narón e os usuarios do bono familiar coma o resto de usuarios doutros concellos poden matricularse nas oficiñas do Complexo Polideportivo Municipal de A Gándara, en horario de 9 a 13 horas. Para inscribirse, tan só é necesario cubrir a solicitude que se entrega nas oficiñas do Complexo Polideportivo Municipal de A Gándara. As clases da Escola Deportiva de Natación empezarán o día 1 de outubro, aínda que os usuarios de nado libre poderán iniciar a temporada de baño a partires do 17 de setembro. Tamén no mes de outubro comezarán as actividades do resto de Escolas Deportivas, cuxos clubs manteñen convenios de colaboración co Padroado de Deportes, segundo informou a concelleira de Deportes de Narón, Natalia Hermida.