O ESTADIO MUNICIPAL DE RÍO SECO ACOLLE ESTE FIN DE SEMANA O VI TORNEO INTERNACIONAL 'CIDADE DE NARÓN' DE FÚTBOL BASE
Participarán 8 equipos alevín e 6 benxamín, entre eles o F.C. Porto, o Atlético de Madrid e o Athletic de Bilbao.
Narón, 10 de Xuño de 2013.- O Estadio Municipal de Rio Seco acollerá este fin de semana (15 e 16 de xuño) o VI Torneo Internacional ‘Cidade de Narón’ de Fútbol Base, nas categorías Alevín e Benxamín, coa participación dos seguintes equipos:
ALEVÍN:
-F.C. Porto.
-Club Atlético de Madrid.
-Athletic Club de Bilbao.
-Real Oviedo.
-Narón Balompé Piñeiros.
-S.D. O Val de Narón.
-S.C.D.R. Galicia de Caranza.
-Escola de Fútbol Amistade.
BENXAMÍN:
-Narón Balompé Piñeiros.
-S.D. O Val de Narón.
-Montañeros C.F.
-F.C. Ortigueira.
-C.D. As Pontes.
-C.C.R.D. Perlío.
Este torneo está organizado polo club Narón Balompé Piñeiros, en colaboración co Padroado de Deportes do Concello de Narón, e a Concellería de Turismo. O director deportivo do Torneo, Carlos Castro, destacou a importancia dun evento destas características “que é punteiro na comarca, e que ademáis contribúe a xerar ilusión, que fai moita falta nestes momentos de pesimismo a nivel social, debido a crise económica que estamos a atravesar”.
A Concelleira de Deportes, Natalia Hermida, indicou que nos dous días do torneo pasarán por aquí máis de 3.000 persoas, cos beneficios que esto supón para o sector hosteleiro. Ademáis, agárdase unha cifra moi alta de ocupación hoteleira, posto que 4 dos equipos participantes son de fora da comarca, polo que pernoctarán en Narón. “Dende aquí quero animar a tódalas persoas de Narón e comarca a acudir a presenciar os partidos” declarou Natalia Hermida, ó tempo que agradeceu ó Narón Balompé Piñeiros o traballo que está a facer “na organización dun torneo tan importante a nivel deportivo como é este”.
O prezo das entradas será o seguinte:
-Nenos/as ata 10 anos de idade: gratis
-De 10 a 18 anos: 1 euro
-Maiores de 18 anos: 5 euros
A organización sorteará balóns e camisetas firmados por xogadores de fútbol de 1ª división.
O torneo estará amenizado por un coñecido speaker do mundo deportivo, e ademáis será retransmitido pola TVG 2.
Os partidos disputaranse entre o sábado 15 e o domingo 16, en horario de mañá e de tarde.
Ademáis, haberá unha presentación pública dos equipos que participan neste torneo, o sábado 15 de xuño no Hotel Husa Odeón (ás 21:30 horas), segundo comentou o responsable da organización do Torneo, Juan Ramos.
Nos descansos entre partidos, o VI Torneo Internacional de Fútbol Alevín e Benxamín estará amenizado por Eva Castro, gañadora do Concurso de Monólogos en Lingua Galega ‘Que me dis!’ organizado polo Concello de Narón.
(Adxúntase calendario dos partidos)