Narón, 27 de Xuño de 2013.- O Alcalde de Narón, José Manuel Blanco, e a Concelleira de Deportes, Natalia Hermida, e unha representación dos grupos políticos municipais (Guillermo Sánchez Fojo –TEGA-, Gonzalo Iglesias –PP-, Mario Isasi –PSOE-, Teresa Sabio –BNG- e María Rodríguez Porto –CG) ofreceron unha recepción institucional ó equipo de voleibol feminino do Club Narón Volea. O rexedor entregoulles a bandeira de Narón, coa que desfilarán na xornada inaugural dos 10º Xogos do Eixo Atlántico, que terá lugar o 30 de xuño na localidade portuguesa de Guimaraes. Esta é a primeira vez que Narón participa nos Xogos do Eixo Atlántico, logo da súa incorporación como membro de pleno dereito neste ano 2013. A expedición que viaxará a Portugal estará formada por 8 xogadoras (das categorías infantil, cadetes e xuvenil) de 13 a 16 anos, e 3 adultos (entrenador e delegados). O calendario de partidos que disputará o Club Narón Volea é o seguinte: -Domingo 30 de xuño (16:00 horas): Coruña-Narón -Luns 1 de xullo (16:00 horas): V.N. Famaligao-Narón -Martes 2 de xullo (12:00 horas): Gaia-Narón -Martes 2 de xullo (18:00 horas): Matosiño-Narón O Alcalde de Narón, José Manuel Blanco, explicou que esta é a primeira vez que un club deportivo vai representar a unha cidade a nivel internacional, motivo polo cal expresou o seu orgullo. “Ides lucir a bandeira de Narón, que leva a cor azul institucional e as chaves do mosteiro de Cluny, que son o noso emblema. Deséxovos sorte e que disfrutedes” engadíu. Tódolos representantes políticos desexáronlle ás deportistas os maiores éxitos posibles, pero por riba de todo que disfrutasen a experiencia.