ABERTO O PRAZO DE SOLICITUDE DE SUBVENCIÓNS PARA ASOCIACIÓNS, ENTIDADES E CLUBS DEPORTIVOS DE NARÓN
A documentación pode recollerse nas oficinas do Complexo Polideportivo de A Gándara, ou descargarse nesta páxina. O prazo para presentala no Rexistro do Concello finaliza o 30 de xullo.
Narón, 3 de Xullo de 2013.- O Concello de Narón abriu o pasado luns 1 de xullo o prazo para solicitar as subvencións para asociacións, entidades e clubs deportivos de ámbito municipal.
As solicitudes poderán retirarse nas oficinas do Servizo de Deportes (situado no Complexo Polideportivo Municipal de A Gándara) en horario de 9:00 a 13:00 horas. Tamén poden descargarse da páxina web do Padroado de Deportes de Narón (www.padroadodeportesnaron.com), no apartado “Subvencións deporte 2013”.
En ambos casos, as solicitudes presentaranse no Rexistro Xeral do Concello. O prazo remata o día 30 de xullo.
Os solicitantes deberán presentar a seguinte documentación:
-Instancia de solicitude (cos datos da entidade e os do/a seu representante).
-Memoria da actividade.
-Declaración xurada de solicitude e obtención doutras subvencións.
-Declaración de ter presentada a documentación no Rexistro Xeral de Asociacións do Concello.
-Autorización de obtención de datos da Tesourería Xeral da Seguridade Social e da Axencia Tributaria.
-Orzamento de gastos e ingresos totais da entidade.
- Fotocopia da tarxeta do CIF.
-Certificación de datos bancarios.
-Certificación do acordo de solicitude de subvención e do nomeamento de representante.
O importe total destas subvencións é de 30.000 euros, ó igual que na convocatoria do ano 2012.