Narón, 22 de Xullo de 2013.- O Alcalde de Narón, José Manuel Blanco, asinou hoxe dos convenios de colaboración en materia deportiva co Club Arco Narón e co Club A Fervenza de Fútbol Sala Feminino. Acompañando ó rexedor tamén estivo a Concelleira de Deportes de Narón, Natalia Hermida. Representando ó Club Arco Narón acudiu o seu presidente, Anxo Grandal d’Anglade. Esta agrupación deportiva recibirá un total de 12.000 euros anuais (o convenio é anual, de xaneiro a decembro de 2013). Ademais, poderá facer uso do pavillón da Mocidade de A Gándara (de luns a venres, de 18:00 a 20:00 horas) para a práctica desta especialidade deportiva. O segundo dos acordos foi asinado coa presidenta do Club A Fervenza de Fútbol Sala Feminino, Eulalia Mouriz Cordero. Este club recibirá 5.000 euros de dotación anual, e poderá utilizar o Pavillón de As Lagoas e o Pavillón de Piñeiros durante todo o ano -agás os meses de xullo e agosto- no horario e días establecidos no convenio.